ABŞ kəşfiyyatı ilə əməkdaşlıq etmişdi – Fidel Kastronun bacısı öldü

  • By admin
  • 05 Dekabr 2023 09:10

Keçmiş Kuba lideri Fidel Kastronun bacısı Xuanita Kastro vəfat edib.

Gununsesi.info xəbər verir ki, “Univision” saytının məlumatına görə, bir müddət Mayamidə xəstəxanada müalicə alan Kastro 90 yaşında dünyasını dəyişib. Ailə üzvlərinin verdiyi açıqlamada Xuanita Kastronun təbii səbəblərdən dünyasını dəyişdiyi və dəfn mərasiminin ailə arasında keçiriləcəyi bildirilib.

Xuanita Kastronun xatirələrini yazan müəllif Maria Antonieta Kollinz öz açıqlamasında deyib: “Bu gün Xuanita Kastro ölüm-dirimdə bizdən öndə getdi, o, qeyri-adi bir qadın və çox sevdiyi Kuba işi üçün yorulmadan çalışan döyüşçü idi”.

Kuba inqilabı ilə bağlı qardaşları Fidel və Raul ilə fikir ayrılığı yaşayan Kastro 1964-cü ildə ölkəsini tərk edərək ABŞ-ın Mayami şəhərində məskunlaşıb.

“Donna” təxəllüsü ilə ABŞ məxfi xidməti MKİ ilə əməkdaşlıq edən Kastro Kuba inqilabının lideri Fidel Kastro və Raul Kastronun administrasiyasını “açıq şəkildə” pisləyib.

Xuanita illər əvvəl bunları yazıb:

“Şübhəsiz ki, mən sürgündə olan digər insanlardan daha çox əziyyət çəkdim, çünki Florida boğazının heç bir tərəfində mənə möhlət vermədilər və həyatımın paradoksunu çox az adam başa düşür. Kubadakılar üçün mən Mən getdiyim və mövcud rejimi pislədiyim üçün fərari oldum. Mayamidə bir çox insanlar üçün mən Fidel və Raulun bacısı olduğum üçün persona non qrata elan olundum”.

Gununsesi.info