Səudiyyə Ərəbistanının İstanbuldakı Baş Konsulluğunda öldürülən Kaşıkçının həyat yoldaşı Hanan Elatra noyabrın 28-də ABŞ daimi yaşayış icazəsi verib. Elatr Türkiyədən Kaşıkçının elektron cihazlarını da ona çatdırmasını istəyib.
Gununsesi.info xəbər verir ki, Səudiyyə Ərəbistanının İstanbuldakı Baş Konsulluğunda 5 il əvvəl öldürülən səudiyyəli jurnalist Camal Kaşıkçının həyat yoldaşı Hanan Elatrın ABŞ-a etdiyi sığınacaq müraciəti qəbul edilib.
ABŞ kəşfiyyatı qətli qiymətləndirərkən, səudiyyəli jurnalistin Səudiyyə Ərəbistanının vəliəhd şahzadəsi Məhəmməd bin Salmanın icazəsi ilə öldürüldüyü qənaətinə gəlib. Təhlükəsizliyindən qorxan Hanan Elatr 2020-ci ilin avqustunda ABŞ-a gedib və sığınacaq üçün müraciət edib. Elatrın müraciəti qəbul edilib və ona noyabrın 28-də ABŞ tərəfindən daimi yaşayış icazəsi verilib.
Məsələ ilə bağlı Elatr BBC-yə açıqlama verib. Hanan Elatr ölkəsində, Misirdə və ya 25 ildən artıq yaşadığı Birləşmiş Ərəb Əmirliklərində (BƏƏ) həyatı üçün heç bir təhlükənin olmayacağını bildirib. Dubayda yerləşən “Emirates” Hava Yollarında stüardessa işləyən Elatr ABŞ-ın Merilend ştatında yaşayırdı və sığınacaq ərizəsinin nəticəsini gözləyirdi. Elatra 2021-ci ilin oktyabrında ABŞ-da işləmək icazəsi verilib. ABŞ prezidenti Co Baydenə və rəhbərliyinə minnətdar olduğunu bildirən Elatr, “Mənə bir qapı açdılar. Artıq qorxmayacağam”, deyə açıqlamasında bildirib.
Gununsesi.info
