ABŞ-da “Dostlar” serialının ulduzu, aktyor Metyu Perrinin ölümü ilə bağlı şübhəli bilinən bir neçə nəfər saxlanılıb.
Gununsesi.info xəbər verir ki, bu barədə TMZ məlumat yayıb.
Saxlanılanlar arasında həkim və bir neçə narkotik alverçisi də var. Polis onların kompüterlərini, telefonlarını və digər elektronik ləvazimatlarını götürüb.
Aparatların köməyi ilə hüquq-mühafizə orqanları sənətçinin ölümünün hansı şəraitdə baş verdiyini öyrənməyə çalışır.
“Biz Metyu-nun ölümündən məyusuq. Hüquq-mühafizə orqanlarının işə çox ciddi yanaşması bizə kömək edir. Biz ədalətin bərqərar olmasını gözləyirik” -deyə Perrinin ögey atası bildirib.
Əvvəllər məlum olmuşdu ki, aktyorun ölümü zamanı bədənində əməliyyat zamanı ümumi anesteziya üçün kifayət edəcək qədər miqdarda ketamin var. Lakin dərmanı ona həkimlər yazmayıb.
Perri klinikada depressiya və narahatlığı müalicə etmək üçün ketamin terapiyası alıb. Son prosedur sənətçinin ölümündən bir həftə yarım əvvəl həyata keçirilib və ölüm zamanı bədənində ketaminin konsentrasiyasını izah etmir.
Metyu Perri oktyabrın 28-də Los-Ancelesdəki evində 54 yaşında vəfat edib.
O, isti vannada boğularaq tapılıb. Yarılma zamanı məlum olub ki, aktyor “ketaminin kəskin təsirindən” ölüb.
