Mühasirəyə alınan Qəzza zolağında 30 mindən çox fələstinli öldürüldü, onların çoxu HƏMAS hərəkatının üzvü deyildi.
Gununsesi.info xəbər verir ki, bunu ABŞ prezidenti Co Bayden ABŞ Konqresində çıxışı zamanı deyib.
Yaxın Şərqdəki vəziyyəti şərh edən Bayden bildirib ki, 7 oktyabr 2023-cü il İsrail üçün Holokostdan sonra ən qanlı gün olub.
“İsrailin HƏMAS-ı sona qədər təqib etmək hüququ var”, – Amerika prezidenti qeyd edib.
Bayden deyib ki, Təl-Əvivin mülki itkilərdən qaçmaq üçün məsuliyyəti var.
“Bu müharibə Qəzza zolağında əvvəlki bütün müharibələrin birləşdiyindən daha çox günahsız mülki insanın həyatına son qoyub. Əksəriyyəti HƏMAS üzvü olmayan 30 mindən çox fələstinli öldürülüb. Minlərlə qadın və uşaq öldürüldü, oğlanlar və qızlar yetim qaldı”, – Ağ Evin rəhbəri etiraf edib.
Bayden həmçinin bildirib ki, o, ABŞ ordusuna Qəzza sahillərində müvəqqəti liman yaratmağı tapşırıb.
Bu müvəqqəti liman sayəsində Qəzzaya dəniz yolu ilə daha çox humanitar yardım gələcək, lakin ABŞ hərbçiləri eksklav ərazisinə ayaq basmayacaq, prezident əmin edib.
“Lakin bunun üçün İsrail öz öhdəliklərini yerinə yetirməli və Qəzzaya daha çox humanitar yardımın axmasına icazə verməlidir”, ABŞ prezidenti qeyd edib.
“Təl-Əviv humanitar işçilərin atəşə tutulmamasını təmin etməlidir. Mən bu barədə İsrail liderlərinə demişəm. Humanitar yardım mübahisəli və ya ikinci dərəcəli məsələ ola bilməz” , – Bayden bildirib.
Bayden eyni zamanda İsrail-Fələstin münaqişəsinin qalıcı həllinə nail olmağın yeganə yolunun “iki xalq üçün iki dövlət” olduğunu təkrarladı.
Gununsesi.info
