Vaşinqton administrasiyası Suriya-İordaniya sərhədindəki bazaya 3 ABŞ əsgərinin öldüyü hücumun İraqda İslami Müqavimət adlı təşkilat tərəfindən həyata keçirildiyinə inandığını açıqlayıb.
Gununsesi.info xəbər verir ki, Ağ Evin Milli Təhlükəsizlik Şurasının Strateji Kommunikasiyalar üzrə koordinatoru Con Kirbi ABŞ bazasına hücuma görə məsuliyyət daşıyanlarla bağlı ilk dəfə rəsmi müraciət edib.
Kirbi Ağ Evdə keçirdiyi mətbuat brifinqində “İordaniyadakı hücumun İraqda İslami Müqavimət adlı, bir çox təşkilatın, o cümlədən Kataib Hizbullahın da daxil olduğu çətir təşkilatı tərəfindən planlaşdırılıb və həyata keçirildiyinə inanırıq” deyib.
Hücumdan sonra ABŞ rəhbərliyi “hücumda İran tərəfindən dəstəklənən qruplar var” deyərək qiymətləndirmələr edib və ABŞ prezidenti Co Bayden hücuma silah verilməsi kontekstində İranın hücumdan dolayı məsuliyyət daşıdığını bildirib. Bayden bölgədə daha böyük münaqişənin olmasını istəmədiklərini də bildirib.
Tehran ABŞ-ın iddiasını rədd etsə də, ABŞ administrasiyası İranla birbaşa münaqişəyə girmək niyyətində olmadığını və regionda daha əhatəli münaqişənin olmasını istəmədiyini bəyan edib.
Yanvarın 28-də İordaniya-Suriya sərhədindəki ABŞ hərbi bazasına kamikadze pilotsuz uçuş aparatı ilə həyata keçirilən hücumda 3 ABŞ əsgəri həlak olub, 40-dan çox əsgər yaralanıb.
ABŞ rəsmiləri, xüsusilə Bayden, İranın dəstəklədiyi qrupları hücuma görə məsuliyyət daşıdığını və hücuma ABŞ-ın seçdiyi vaxt və yerdə cavab veriləcəyini bildirib.
Gununsesi.info
