ABŞ qubalıları nura qərq edəcək

ABŞ-ın Beynəlxalq İnkişaf Agentliyinin dəstəyi ilə Quba rayonunun Rustov icması innovativ həll yolu taparaq küçə işıqlandırılması üçün günəş enerjisindən istifadə ediləcək. Bununla bağlı ABŞ-ın Azərbaycandakı səfirliyindən gununsesi.info-ya daxil olan məlumatda qeyd olunur ki, təmiz enerji mənbəyi olmaqla yanaşı günəş enerjisi icmalarınızı daha təhlükəsiz edə bilər: “USAID-in dəstəyi ilə Quba rayonunun Rustov icması innovativ həll yolu taparaq küçə işıqlandırılması üçün günəş enerjisindən istifadə ediləcək. Münasib küçə işıqlandırılması sistemi olmadığından Rustov sakinləri küçələri işıqlandırmaq üçün evlərin qarşısında səmərəsiz quraşdırılmış işıqlardan istifadə ediblər. Gecə saatlarında icmada gediş-gəliş, xüsusilə dəpiyadalar və payız-qış aylarında qaranlıqda məktəbə gedən şagirdlər üçün çətin və təhlükəli idi. USAID kəndin əsas küçəsində 20 günəş paneli quraşdırmağa kömək etdi ki, bundan 1600 sakin faydalanacaq. Layihə USAID və Azərbaycan hökuməti tərəfindən birgə maliyyələşib və Sosial-İqtisadi İnkişaf Fəaliyyəti (SEDA) adlı proqram çərçivəsində Şərq-Qərb İdarəetmə İnstitutu (EWMI) tərəfindən icra olunub”.