ABŞ Mərkəzi Komandanlığı (CENTCOM) Suriyada iranpərəst qruplara qarşı hava zərbələri endirib.
Gununsesi.info-nun məlumatına görə, CENTCOM-un bəyanatında qeyd olunub ki, zərbələr İran İnqilabı Keşikçiləri Korpusu və ona bağlı qrupların istifadə etdiyi obyektləri hədəf alıb.
CENTCOM-un sosial mediada verdiyi bəyanatda deyilir: “Birləşmiş Ştatlar özünü, şəxsi heyətini və maraqlarını müdafiə etməyə davam edəcək”.
ABŞ Müdafiə Nazirliyi hava hücumlarının İraq və Suriyada ABŞ personalına qarşı davam edən hücumlara cavab olaraq həyata keçirildiyini təsdiqləyib.
Pentaqonun açıqlamasında vurulan hədəflərdən birinin təlim kompleksi, digərinin isə sığınacaq olduğu qeyd edilib.
Gununsesi.info
