ABŞ tankerə hücuma görə İranı ittiham etdi

Amerika Birləşmiş Ştatları “Mercer Street” tankerinə edilən hücumun arxasında İranın dayandığını bəyan edib.

Gununsesi.info xarici KİV-ə istinadən xəbər verir ki, bu barədə ABŞ dövlət katibi Entoni Blinken açıqlama yayıb.

HTML tutorial

“Buna heç bir bəhanə ola bilməz”, – deyən Blinken hadisəyə görə İranı ittiham edib:

“Mövcud məlumatları araşdırdıqdan sonra əminik ki, İran partlayıcı qurğularla təchiz olunmuş pilotsuz uçuş aparatlarından istifadə edərək, iki günahsız insanın ölümü ilə nəticələnən hücumu həyata keçirib”.

ABŞ rəsmisi diqqətə çatdırıb ki, İrana yaxın gələcəkdə adekvat cavab veriləcək.