ABŞ hakimiyyəti Türkiyə hakimiyyətindən Rusiya Federasiyasına mikrosxemlər və Kremlin hərbi texnikada istifadə etdiyi digər hissələrin verilməsini dayandırmağı tələb edib.
Gununsesi.info xəbər verir ki, bu barədə Financial Times məlumat yayıb.
Jurnalistlərin məlumatına görə, ABŞ-ın ticarət nazirinin köməkçisi Metyu Akselrod bu yaxınlarda Türkiyəyə səfər edib.
Orada türk rəsmiləri ilə görüşüb və Vaşinqtonun mövcud vəziyyətdən narahatlığını bildirib.
ABŞ nümayəndəsi vurğulayıb ki, Türkiyə təcavüzkar ölkə Rusiyanın Ukraynaya qarşı müharibəsində mühüm rol oynayan mikroçip və digər hissələrin ticarətinin qarşısını almaq üçün daha çox səy göstərməlidir : “Bizə Amerika texnologiyalarının Rusiyaya qanunsuz axınının qarşısını almaq üçün Türkiyə lazımdır. Biz Türkiyə hakimiyyət orqanlarından və sənayesindən sürətlə irəliləyiş görməliyik, əks halda bizim ixrac nəzarətimizdən yayınanlara qarşı nəticələr tətbiq etməkdən başqa çarəmiz qalmayacaq”.
Məlumata görə, ABŞ Türkiyənin Qərbdə istehsal olunan elektronikanın, o cümlədən prosessorlar, yaddaş kartları və gücləndiricilərin Rusiyaya daxil olmasından narahatdır.
Şəbnəm
Gununsesi.info
