ABŞ Ukraynaya 200 milyon dollar dəyərində əlavə hərbi yardım paketi ayırıb.
Gununsesi.info-nun məlumatına görə, ABŞ Müdafiə Nazirliyi qeyd edib ki, əlavə hərbi yardım paketi “Ukraynaya öz ərazisini müdafiə etməyə” kömək edəcək və onun “kritik” təhlükəsizlik və müdafiə ehtiyaclarını ödəyəcək.
Pentaqonun rəhbəri Lloyd Ostin X sosial şəbəkəsində ABŞ-ın Ukraynanı dəstəkləməkdə qərarlı olduğunu yazıb.
Eyni zamanda, ABŞ prezidenti Co Bayden Ukrayna prezidenti Vladimir Zelenski ilə birgə mətbuat konfransında Vaşinqtonun Rusiya ilə münaqişədə Ukraynaya hərtərəfli dəstəyi davam etdirməyə hazır olduğunu vurğulayıb.
Ağ Ev rəhbəri qeyd edib ki, Moskva ən çox Senatda respublikaçıların Ukraynaya yardım paketini əngəlləmək qərarından məmnundur.
Bayden ABŞ-ın Ukraynaya ən güclü şəkildə dəstəyini davam etdirəcəyini vurğulayıb.
İndiyədək həm demokratlar, həm də respublikaçılar Ukraynaya dəstək nümayiş etdiriblər və bunun davam etməsi vacibdir, ABŞ prezidenti bildirib.
Zelenski deyib ki, ABŞ-ın dəstəyi Kiyev üçün çox vacibdir. Ukrayna dövlətinin başçısı qeyd edib ki, Rusiyanın münaqişənin uzadılması istiqamətində atdığı addımlar regionun maraqlarına ziyan vurur.
Gununsesi.info
