“ABŞ hakimiyyəti Rusiyanın Kursk vilayətini işğal edən Ukrayna Silahlı Qüvvələrinin (AFU) hərəkətlərini dəstəkləyir”.
Gununsesi.info xəbər verir ki, bunu Ağ Evin mətbuat katibi Karine Jan-Pyer bildirib.
“Biz Ukraynanı Rusiyanın təcavüzündən müdafiə etmək üçün etdiyi işlərdə dəstəkləyirik. Düşünürük ki, bunu etmək açıq-aydın vacibdir, çünki biz demokratiya və azadlıqdan danışırıq. Və biz bunu davam etdirəcəyik”, – deyə Jan-Pyer bildirib.
O, xatırladıb ki, daha əvvəl rus qoşunları Ukrayna hərbçilərinin daxil olduğu Kursk vilayəti ərazisindən Ukraynaya hücum edib. Lakin o, Ukrayna Silahlı Qüvvələrinin əməliyyat zamanı Amerika silahlarından istifadə edib-etmədiyi sualına cavab verməkdən imtina edib.
Bundan əvvəl Dövlət Departamentinin sözçüsü Metyu Miller bildirib ki, Kiyev ABŞ-a Kursk vilayətini işğal etmək niyyəti barədə xəbərdarlıq etməyib. Bununla belə, o əlavə edib ki, bu cür əməliyyatlar barədə digər ölkələrə məlumat verilməməsi normadır.
Həmçinin, onun sözlərinə görə, Vaşinqton Rusiyaya zərbə endirmək üçün Amerika silahlarından istifadə ilə bağlı qərarını dəyişməyib və Ukrayna Silahlı Qüvvələrinin Rusiya ərazisinə müdaxiləsi onların istifadəsinə qoyulan məhdudiyyətləri pozmur.
Şəbnəm
Gununsesi.info
