ABŞ-ın Qətərdə yerləşən və Yaxın Şərqin ən böyük hərbi bazası olan Əl-Udeyd aviabazasındakı hərbi varlığını daha 10 il saxlamaq üçün Qətərlə razılığa gəldiyi iddia edilib.
Gununsesi.info xəbər verir ki, adları açıqlanmayan ABŞ-ın üç müdafiə rəsmisi, eləcə də razılaşmadan xəbəri olan başqa bir məmur CNN-ə danışıb. Rəsmilər ABŞ-ın Qətərlə Əl-Udeyd hava bazasındakı hərbi mövcudluğunu daha 10 il müddətinə uzatmaq barədə razılığa gəldiyini iddia ediblər.
ABŞ-ın Yaxın Şərqdəki ən böyük hərbi bazası olan Əl-Udeyd Hava Bazasında 10 mindən çox Amerika əsgərinin olduğu qeyd edilir.
Xəbərdə ABŞ-ın müdafiə naziri Lloyd Ostinin 2023-cü ilin dekabrında Qətərə səfəri zamanı hər iki ölkənin “ikitərəfli müdafiə əlaqələrini genişləndirmək və gücləndirmək üçün rəsmi olaraq gələcəyə hesablanmış addımlar atacağını” bildirdiyi bildirilir.
Gununsesi.info
