AFFA klublara top paylayıb.
“Nike” şirkəti ilə AFFA arasında mövcud əməkdaşlıq çərçivəsində Azərbaycan Premyer Liqasında çıxış edən hər bir kluba 25, I Divizionda mübarizə aparan hər kluba isə 10 ədəd top verilib.
Premyer Liqada səkkiz klubun olduğunu nəzərə alsaq, AFFA tərəfindən elita klublarına 200 top paylanılıb. I divizionda isə dörd kluba (digərləri əvəzedici komandalardır – S.M.) ümumilikdə, 40 ədəd top verilib.
Xatırladaq ki, mövcud əməkdaşlıq çərçivəsində 2019/2020-ci il mövsümündə və cari mövsüm ərəfəsində də Premyer Liqa klublarına “Nike” topları təqdim olunub.
