ABŞ Ukraynada demokratiyanı necə idarə etmək barədə məsləhət verməyəcək. Xüsusilə, Ukrayna prezidenti Vladimir Zelenskinin kadr qərarları ABŞ-ın Ukraynaya dəstəyinə təsir etməyəcək.
Gununsesi.info xəbər verir ki, bunu Ağ Evin milli təhlükəsizlik üzrə kommunikasiyalar üzrə müşaviri Con Kirbi brifinq zamanı deyib.
“Biz onların demokratiyanı necə həyata keçirmələri ilə bağlı məsləhətlər vermirik, bu, prezident Zelenskinin səlahiyyətindədir, bu, Ukrayna xalqının səlahiyyətindədir.
Belə qərarların verilməsi prezident Zelenskinin hökumətdə kimin dəstəyinə sahib olması ilə bağlı qərar verməsidir. Bunların heç biri bizim Ukrayna ilə əlaqəmizin yolunu dəyişməyəcək. Bu, onlara göstərməyə davam edəcəyimiz dəstəyi heç bir şəkildə dəyişməyəcək”, – deyə Kirbi əmin etdi.
Gununsesi.info
