Ağ Ev xəbərdarlıq edib ki, Ukraynaya yardım üçün ayrılan vəsait ilin sonuna qədər tükənəcək.
Gununsesi.info xəbər verir ki, bu barədə ABŞ-ın İdarəetmə və Büdcə Bürosunun direktoru Şalanda Yanqın Konqres liderlərinə ünvanladığı məktubda deyilir.
O, Respublikaçılar və Demokratlar Partiyasının liderlərinə yazıb: “İlin sonuna qədər Konqres tədbirlər görməzsə, biz Ukrayna üçün daha çox silah və texnika almaq, eləcə də ABŞ hərbi anbarından avadanlıq təmin etmək üçün resurslarımız tükənəcək”.
O vurğulayıb ki, Konqresin yeni dəstəyi təsdiqləməkdən imtina etməsi “Kiyevi döyüş meydanında diz çökdürəcək” və eyni zamanda “Rusiyanın hərbi qələbələri ehtimalını artıracaq”.
“Bizə bu tapşırığın öhdəsindən gəlməyə kömək edəcək sehrli bir maliyyə qazanı yoxdur. Bizim pulumuz tükəndi və demək olar ki, vaxtımız tükəndi” deyə rəsmi qeyd edir.
O xatırladıb ki, ABŞ-dan Ukraynaya hərbi yardım paketləri artıq azalıb.
Yanq əlavə edib ki, ABŞ-ın dəstəyi çox vacibdir və onu başqaları əvəz edə bilməz.
“Ukrayna iqtisadiyyatı çökərsə, onlar mübarizəni davam etdirə bilməyəcəklər. Putin bunu yaxşı başa düşür və buna görə də Rusiya Ukrayna iqtisadiyyatının məhvini öz strategiyasının mərkəzi hissəsinə çevirib. Ukrayna taxıl ixracı və enerji infrastrukturu”, – məktubda deyilir.
Yanq Ukrayna üçün pulun Amerika iqtisadiyyatına fayda verəcəyini də bildirib.
Daha əvvəl Nümayəndələr Palatasının spikeri Mayk Conson bildirib ki, o, ABŞ Konqresinin Milad bayramlarından əvvəl İsrail və Ukraynaya yardım üçün əlavə vəsait ayıra biləcəyinə “inamlı və nikbindir”, lakin bir şərt var.
Dövlət Departamenti Ukrayna və digər müdafiə ehtiyacları üçün əlavə maliyyə paketinin iki aya yaxındır ki, Konqresdə təsdiqlənməsi perspektivlərinə də nikbin baxır.
Sentyabr ayında Ağ Ev Konqresdən Ukrayna üçün 61 milyard dollardan çox maliyyə, həmçinin İsrail, Tayvana və sərhəd təhlükəsizliyinə yardım üçün xərclərdən ibarət 106 milyard dollarlıq əlavə maliyyə paketini təsdiq etməyi xahiş etdi.
Lakin bu təşəbbüs Nümayəndələr Palatasındakı ifrat sağçı respublikaçıların müxalifəti ilə dayandırıldı, onun yeni spikeri Mike Johnson Ukrayna və İsrailə yardımın bölünməsini təklif edib.
