“Balans Media” nın təşəbbüsü, Səbail Rayon Veteranlar Birliyinin təşkilatçılığı ilə 44 günlük Vətən müharibəsinə həsr olunan ” Şəhid həkimlər” filminin təqdimat mərasimi keçirilib.
Gununsesi.info-nun xəbərinə görə, ekran işində Vətən müharibəsi zamanı ön və arxa cəbhədə yaralı əsgər və zabitlərimizə ilkin tibbi xidmət göstərən, onlarla birlikdə düşmənlə mübarizə aparaq qəhrəmancasına həlak olan şəhid həkimlərimizdən bəhs olunur.
Film tibb bacısı Arəstə Baxışova, tibb xidməti leytinantı Turqut Xəlilbəyli, tibb baş leytinantı Şöhrət Qasımov və gizir həkim Eldar Abdullayevə həsr olunub. Ekran əsərində hər 4 şəhid həkimin ailə üzvləri, yaxınları onlarla bağlı xatirələrini bölüşür, qəhrəman həkimlərimizin Vətən müharibəsi zamanı göstərdikləri şücaətdən söz açırlar.
Filmin ssenari müəllifi və rejissoru Azərbaycan Televiziyasının əməkdaşı Gülüstan Əkbər, televiziyanın quruluşcu operatoru Ramil Qoca, montaj rejissoru Ədil Sadıqlı,redaktoru Cuma Əzizdir. Təqdimat mərasimində həkim şəhidlərin ailə üzvləri,həkim həmkarları, döyüş yoldaşları və digər ictimaiyyət nümayəndələri iştirak ediblər.
Şəbnəm
Gununsesi.info
