Ağdaş rayonunda yanğın hadisəsi baş verib.
Gununsesi.info APA-ya istinadən məlumat verir ki, yanğın saat 15.30 radələrində Qarağan Sədi kəndində qeydə alınıb.
Kənd sakini, 1928-ci il təvəllüdlü Mustafayev Səftər Mustafa oğluna məxsus ev tamamilə yanaraq yararsız hala düşüb.
Hadisə yerinə FHN-in Ağdaş Dövlət Yanğından Mühafizə Hissəsinin qüvvəsi cəlb olunub.
Yanğının yayılmasının qarşısı alınıb.
Yanğın söndürüldükdən sonra ev sahibinin yanmış meyiti aşkarlanaraq aidiyyatı üzrə təhvil verilib.
Hadisənin hansı səbəbdən baş verdiyi məlum deyil.
Faktla bağlı araşdırma aparılır.
Gununsesi.info
