Avropa İttifaqı (Aİ) Azərbaycanı Venesiya Komissiyasının Konstitusiyaya dəyişikliklərlə bağlı rəyini nəzərə almağa çağırır.
Gununsesi.info-nun APA-ya istinadən verdiyi məlumata görə, bu barədə Aİ açıqlama yayıb.
Aİ-nin Azərbaycanda keçirilən referendumla bağlı açıqlamasında sonra deyilir ki, AŞPA-nın qiymətləndirmə missiyasının ilkin açıqlamasına görə, əhalinin əksəriyyəti sakit şəraitdə keçirilmiş referendumda irəli sürülmüş 29 dəyişikliyin lehinə səs verib: “Əvvəlcədən parlamentdə gedən debatlar zamanı bəzi çatışmazlıqlar qeydə alınıb”.
Aİ Azərbaycanı konstitusiya dəyişiklikləri layihəsinin həyata keçirilməsi zamanı Venesiya Komissiyasının rəyini nəzərə almağa çağırır: “Avropa İttifaqı bu və digər vacib məsələlərdə Azərbaycanla dialoq aparmağa davam edəcək”.
Gununsesi.info
