Amerikalı aktyor Ceyk Gyllenhaal “The Hollywood Reporter”ə müsahibəsində gözdən əlil olduğunu etiraf edib.
Gununsesi.info xarici mediaya istinadən xəbər verir ki, sənətçi eynəksiz, linzasız, demək olar ki, heç nə görmür.
43 yaşlı aktyor 6 yaşından korreksiyaedici linza taxdığını bildirib.
Qanuni olaraq, Gyllenhaal kor hesab olunur, baxmayaraq ki, əslində məhdud görmə qabiliyyətinə malikdir:“Mən bunda macəralı bir şeyin olduğunu düşünməyi xoşlayıram. Başqa heç nə bilmirdim. Səhər heç nə görə bilməyəndə, eynəyimi taxmazdan əvvəl özümlə ola bilirəm”.
Aktyor qeyd edib ki, zəif görmə bəzən ona peşəsində kömək edir.
Gyllenhaal 2015-ci ildə Southpaw filmində çətin bir səhnəni lentə alanda, həmsöhbətlərini daha diqqətlə dinləməyə məcbur etmək üçün kontakt linzalarından istifadə etməyib.
Gununsesi.info
