Ali təhsil müəssisələrində qeydiyyat avqustun 26-sı saat 17:00-dək uzadılıb
Ali təhsil müəssisələrinə I mərhələdə qəbul olan şəxslərin qəbul olduqları təhsil müəssisələrində qeydiyyatının müddəti uzadılıb. Gununsesi.info TQDK-ya istinadən xəbər verir ki, ali təhsil müəssisələrinin bakalavriat səviyyəsinə müsabiqənin I mərhələsində qəbul edilən şəxslərin qəbul olunduqları ali təhsil müəssisələrində qeydiyyatı 26 avqust saat 17:00-dək uzadılıb. Tələbə adı qazanmış şəxslər göstərilən vaxta qədər tələb olunan sənədləri qəbul olduqları təhsil müəssisələrinə təqdim etməklə qeydiyyatdan keçməlidirlər.
Qeyd edək ki, həmin vaxtdadək qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və onun qəbul haqqında əmri ali məktəbə göndərilməyəcək.
Gülnaz Qənbərli
Gununsesi.info
