Almaniya hökuməti COVID-19 pandemiyasına qarşı mübarizə tədbirləri çərçivəsində tətbiq edilmiş sərhəd nəzarətini Avropa İttifaqı ölkələri ilə sərhədlərdə yumşaldacaq.
Gununsesi.org xəbər verir ki, ölkənin Daxili İşlər naziri Horst Seehofer mayın 16-dan Fransa, İsveçrə, Avstriya sərhədlərində nəzarəti azaldacaqlarını, bu çərçivədə avtomobil zolaqlarının tam açılacağını, yoxlamaların da aparılacağını bildirib.
Nazir Lüksemburqla sərhədlərini şənbə günü, qalan sərhədləri isə tam olaraq iyunun 15-dən açacaqlarını da deyib. O, eyni zamanda, səhiyyə vəziyyətinin yenidən pisləşməsi halında sərhədlərin yenidən bağlanacağı da vurğulayıb.
Gununsesi.org
