Almaniya Yaponiyaya məğlub oldu

Qətərdə keçirilən DÇ-2022-də daha bir matç baş tutub.

Gununsesi.info Apasport.az-a istinadən xəbər verir ki, dördüncü oyun gününün ikinci qarşılaşmasında Almaniya ilə Yaponiya üz-üzə gəlib.

HTML tutorial

Görüş Bundestimin üstünlüyü ilə başlayıb. Lakin Hans-Diter Flikin yetirmələri asiyalıların qapısına yalnız bir dəfə yol tapıb. İlkay Gündoğan penalti zərbəsini dəqiq yerinə yetirib.

İkinci hissədə yaponiyalılar oyunda dönüş yarada bilib. Əvvəl Ritsu Doan, matçın sonlarında Takuma Asanonun vurduğu qollar Yaponiyaya əzmkar qələbə qazandırıb – 2:1.

Qeyd edək ki, E qrupunda turun digər qarşılaşmasında İspaniya ilə Kosta-Rika görüşəcək. Bu oyun Bakı vaxtı ilə saat 20:00-da başlayacaq.

DÇ-2022, qrup mərhələsi

23 noyabr, I tur

E qrupu

17:00. Almaniya – Yaponiya – 1:2

Qollar: İlkay Gündoğan, 33 – Ritsu Doan, 75, Takuma Asano, 83

Gununsesi.info