AMEA-nın alimi koronavirusdan vəfat etdi

  • By admin
  • 16 Dekabr 2020 11:46

Azərbaycan Milli Elmlər Akademiyasının (AMEA) alimi Arif  Məhərrəmov koronavirusdan vəfat edib. 

Bu barədə Gununsesi.org-a Akademiyadan məlumat verilib.

A. Məhərrəmov ötən gün dəfn olunub.

Qeyd edək ki, Arif Məhərrəmov 1952-ci ildə Ermənistan SSR-nin Spitak rayonunda anadan olub. Azərbaycan Dövlət Universitetinin fizika fakültəsini, Moskvada SSSR EA-nın Kimyavi Fizika İnstitutunun aspiranturasını bitirib. AMEA-nın Radiasiya Problemləri İnstitutunda şöbə müdiri vəzifəsində çalışıb.

Fizika-Riyaziyyat elmləri doktoru, professordur.

2017-ci ildə “İlin nüfuzlu alimi” ali media mükafatına layiq görülüb. Alim 400-dən artıq elmi işin müəllifidir. Onlardan 200-ü xaricdə çap olunub. 15 müəlliflik şəhadətnaməsinin və patentin müəllifidir. Onun rəhbərliyi altında 11 elmlər namizədi müdafiə edib. 2 doktorluq dissertasiyasının məsləhətçisidir.

 

Gununsesi.org