ABŞ-ın Florida ştatında Fələstin əsilli orta məktəb şagirdi anasının sosial şəbəkələrdə Fələstin tərəfdarı olan paylaşımlarına görə məktəbdən uzaqlaşdırılıb.
Gununsesi.info bildirir ki, ABŞ mətbuatında çıxan xəbərlərə görə, Fort Lauderdaledəki Pine Crest məktəbinin şagirdi 15 yaşlı Jad Abuhamda ölkədə anti-Fələstin əhval-ruhiyyəsindən təsirlənən qurbanlara qoşulub.
Abuhamda eyni məktəbdə riyaziyyat müəllimi işləyən anası Maha Almasri sosial şəbəkədə İsraili tənqid edən paylaşımlar etdiyi üçün məktəbdən qovulub.
Məktəb rəhbərliyinin yazılı açıqlamadasında Almasrinin sosial şəbəkələrdəki paylaşımlarının nifrət və təxribat xarakterli olduğu iddia edilsə də, Almasri bu iddiaları təkzib edərək, paylaşımlarının yalnız Qəzzada baş verən humanitar faciəyə diqqət çəkmək məqsədi daşıdığını bildirib.
Liseyin şagirdi Abuhamda bu səbəbdən 10 ildir oxuduğu məktəbdən qovulmasının haqsızlıq və məyusedici olduğunu vurğulayıb.
ABŞ-ın ən böyük müsəlman vətəndaş cəmiyyəti təşkilatı olan Amerika-İslam Münasibətləri Şurası (CAIR) məsələ ilə bağlı açıqlamasında ABŞ Təhsil Departamentini hadisəni araşdırmağa çağırıb.
Gununsesi.info
