Amerikalı aktrisa Ancelina Colinin atası Con Voight İsrailin Qəzzaya hücumları ilə bağlı diqqətçəkən açıqlamalar verib.
Gununsesi.info xəbər verir ki, 84 yaşlı amerikalı aktyor Con Voight “X” sosial şəbəkəsində yayımladığı videoda bu barədə danışıb. “İsrail ordusu öz torpaqlarını və xalqını qorumalıdır. Bu müharibədir. Solun düşündüyü kimi, mədəni yolla irəliləyə bilməz”, – deyə o bildirib.
Amerika bayrağı önündə çəkdiyi videoda Voight İsrail və Fələstindən “yəhudilər üçün müqəddəs torpaqlar və Tanrının torpaqları” olaraq, bəhs edərək, deyib ki, “İsrail ordusu öz torpaqlarını və xalqını qorumalıdır”.
Voight qızı Colinin əvvəlki sosial media paylaşımlarında Qəzzanın “kütləvi məzarlığa” çevrildiyini də ifadə edərək, “İsraildə baş verənlər terror aktıdır, lakin bu, Qəzzada dinc əhalinin bombalanması nəticəsində həlak olan günahsız insanlara haqq qazandıra bilməz”, şərhi ilə bağlı da açıqlama verib.
Voight deyib: “Mən çox məyus oldum ki, qızım da bir çoxları kimi, Tanrının gerçəklərini dərk etmir”.
Gununsesi.info
