Ankaranın Mamak səmtində 6 mərtəbəli binanın birinci mərtəbəsində baş verən təbii qazın partlaması nəticəsində ilkin məlumata görə, bir nəfər ölüb.
Gununsesi.info xəbər verir ki, məlumata görə, yerli vaxtla səhər saat 07.10 radələrində Küçük Kayaş məhəlləsi 1856 küçəsində yerləşən yaşayış binasından partlayış səsi eşidilib.
Ətrafdakıların xəbəri üzərinə hadisə yerinə sövq edilən polis qrupları ətraf mühitin təhlükəsizliyini təmin edib. Partlayışdan sonra başlayan yanğına xilasetmə qrupları müdaxilə edib.
Partlayış zamanı evdə olan 68 yaşlı Fatma Köse həyatını itirib.
Hadisə ilə bağlı Ankara valiliyi açıqlama yayıb. “Mamak/Küçük Kayaş məhəlləsində 6 mərtəbəli binanın birinci mərtəbəsində baş verən və ilkin məlumata görə təbii qazdan qaynaqlanan partlayış nəticəsində bir vətəndaşımız həlak olub. Faktla bağlı zəruri texniki və hüquqi araşdırmalar aparılır”, – deyə açıqlamada bildirilib.
Səid Əhmədli
Gununsesi.info
