Ankarada ötən həftə törədilən terror aktı barədə təfərrüat ortaya çıxıb.
Gununsesi.info xəbər verir ki, bu barədə Türkiyənin Daxili İşlər Nazirliyi məlumat yayıb.
Məlumata görə, hücumu həyata keçirən 2 terrorçunun şəxsiyyəti müəyyənləşib.
“01.10.2023-cü il tarixində 2 terrorçu tərəfindən nazirliyimizə qarşı təşkil edilmiş xain basqın cəhdinin qarşısı qəhrəman polis əməkdaşlarımızın ani reaksiyası nəticəsində alınıb və terrorçular zərərsizləşdirilib. Araşdırma və DNT analizi nəticəsində terrorçulardan birinin BTÖ (PKK/KCK) üzvü Kanivar Erdal kod adlı Həsən Oğuz olduğu müəyyən edilib. Araşdırma və DNT analizi nəticəsində digər terrorçunun BTÖ (PKK/KCK) üzvü Özkan Şahin olduğu müəyyən edilib. Təhlükəsizlik bölmələrimizin başlatdığı araşdırma davam edir. Son terrorçu zərərsizləşdirilənə qədər terrorla mübarizəmiz qətiyyət və qətiyyətlə davam edəcək”, – deyə məlumatda qeyd edilir.
Səid Əhmədli
Gununsesi.info
