“ANS ÇM”-in 77 266 manatını məcburi qaydada aldılar

  • By admin
  • 14 Sentyabr 2016 11:30

ans

Milli Televiziya və Radio Şurası (MTRŞ) tərəfindən “ANS ÇM” radiosuna təyin olunan 161 000 manat cərimənin 77 266 manatı məcburi qaydada “ANS ÇM” şirkətinin bank hesabından tutulub.

ANS-dən Gununsesi.info-ya verilən məlumata görə bu hadisə bir müddət əvvəl baş verib.

HTML tutorial

Qeyd olunub ki, şirkətin bank hesabında lazımi qədər pul qalmadığından cərimənin qalan hissəsinin tutulması məcburi icraya yönəldiləcək.

Qeyd edək ki, “ANS ÇM” radiosunun yayımı zamanı “Televiziya və radio yayımı haqqında” Azərbaycan Respublikası Qanununun və “Reklam haqqında” Azərbaycan Respublikası Qanununun tələblərinin pozulması ilə əlaqədar MTRŞ ANS ÇM Yayım və Media Şirkətini 26 qərar üzrə ümumilikdə 161 000 manat məbləğində cərimələyib.

Gununsesi.info