H5N1 quş qripinin təhlükəli ştammı Antarktidanın buzlu qitəsindəki quş populyasiyasına çatıb.
Gununsesi.info-nun məlumatına görə, “The Guardian” yazır ki, alimlər Britaniyanın xarici ərazisinin bir hissəsi olan Bird adasında qəhvəyi skua populyasiyasında H5N1 virusunu aşkar ediblər.
Alimlər hesab edirlər ki, ilk dəfə buzlu qitədə aşkar edilmiş bir virus Antarktidanın zəngin canlı populyasiyasına dağıdıcı təsir göstərə bilər.
Britaniya Antarktika Tədqiqat İnstitutunun (BAS) tədqiqatçısı Ashley Bennison bildirib ki, Quş adasındakı quşlardan götürülən nümunələr H5N1 üçün müsbət nəticə verib.
“Bu, çox acınacaqlı vəziyyətdir. Biz ada sakinlərini mümkün qədər izləməyə davam edəcəyik. Hazırda virusun tam təsirindən əmin deyilik”, – deyə Bennison bildirib.
Antarktika Tədqiqat Komitəsinin bölgədə quş qripinin təsiri ilə bağlı hazırladığı risk qiymətləndirmə hesabatında pinqvinlər, həmçinin xəz suitilər, dəniz şirləri, skua və qağayıların risk altında olduğu müəyyən edilib.
Hesabatın müəlliflərindən biri, doktor Meqan Devar hesab edir ki, virusun yayılması buzlu qitənin heyvanlar aləmi üçün dağıdıcı nəticələr verə bilər.
Gununsesi.info
