“Qızıl qlobus” mükafatının təqdimetmə mərasimi ABŞ-ın yeni prezidenti Donald Trampın ünvanına acı sözlərlə yadda qalıb.
Gununsesi.info Rusiya KİV-lərinə istinadən xəbər verir ki, mərasimin aparıcısı Cimmi Fellon Trampı “Game of Thrones” serialındakı kral Coffri Barateon ilə eyniləşdirib.
Bundan başqa, kinematoqrafiyada xidmətlərinə görə xüsusi mükafat almış aktrisa Meril Strip Trampın fiziki məhdudiyyətli jurnalisti ələ saldığı anları xatırladıb. O, bildirib ki, seçilmiş prezidentin bu addımı “onun qəlbini qırıb”.
“The New York Times” qəzetinə müsahibə verən Tramp Stripin bu fikrinə münasibət bildirib. O, deyib ki, aktrisa digər namizəd Hillari Klintonun tərəfdarıdır və onun bu fikirləri təəccüb doğurmur:
“Bəziləri düşünür ki, mən jurnalsitin əlilliyini ələ salmaq istəyirəm. Elə bil Meril və onun tərəfdarları mənim beynimə girib, fikirlərimi oxuyublar”.
Gülnaz Qənbərli
Gununsesi.info
