Ekspertlər araşdırma aparıb və aşkar ediblər ki, “TikTok”da 1700-ə yaxın video yeniyetmələr arasında intiharı təbliğ edir.
Gununsesi.info bu barədə xarici KİV-ə istinadla xəbər verir.
Ekspertlərin fikrincə, bu göstərici bütün əsas platformalar arasında ən yüksək göstərici olub.
Onlar bildiriblər ki, “TikTok”un ölüm qrupları ilə bağlı hashtaglarla məzmunun yayılmasında mütləq liderə çevrilməsindən narahatdırlar: “İntihar meylləri ilə mübarizə sahəsində aparılan qeyri-qənaətbəxş işlərlə bağlı xarici sosial şəbəkələrə qarşı tədbir görülməli idi”, – deyə qeyd ediblər.
Tədqiqat bu il martın sonundan iyunun əvvəlinə qədər aparılıb.
Mütəxəssislər həmçinin Facebook, Instagram və VK-da yerləşdirilən məzmunu da təhlil ediblər.
Gununsesi.info
