Xəzər Media Mərkəzinin Araz FM radiosu 8 Mart Beynəlxalq Qadınlar Günü münasibətilə müğənni Rəsul Əfəndiyevlə birlikdə yeni layihə ərsəyə gətirib.
Gununsesi.info xəbər verir ki, Azərbaycanın 8 qadın bəstəkarının sevilən mahnıları bu dəfə Rəsul Əfəndiyevin özünəməxsus ifasında dinləyicilərə təqdim olunub.
Yaradıcılığı ilə şöhrət qazanmış Azərbaycan bəstəkarları – Səfiqə Axundovanın, Elza İbrahimovanın, Ruhəngiz Qasımovanın, Nailə Mirməmmədlinin, Aygün Səmədzadənin, Gövhər Həsənzadənin, Elza Seyidcahanın və Zivər Ağayevanın ən məşhur mahnılarından ibarət kompozisiya dinləyicilər üçün bayram sürprizi olub.
Gununsesi.info
