Fatih Terim, Arda Turan, Fernando Muslera və Emre Belözoğlu kimi futbol dünyasının əhəmiyyətli şəxslərini bir bankın şöbə müdiri olarkən “gizli fond” üsulu ilə yüksək qazanc vəd edərək aldatmaqda ittiham olunan Seçil Erzanın yeni “Vatsap” mesajları ortaya çıxıb.
Gununsesi.info xəbər verir ki, idman dünyasının bir çox məşhur adamını aldatdığı iddia edilən futbolçu Seçil Erzanın Arda Turanla yazışmaları yayılıb.
Tükiyənin “Axşam” qəzetinin xəbərinə görə, mesajlarda Arda Turanın Seçil Erzana bacı kimi müraciət etdiyi və pulunu ala bilmədiyi üçün borclularının telefonlarına belə cavab verə bilmədiyi iddia edilib. Arda Turan Seçil Erzandan borclarını ödəmək üçün pul istəyib.
“Bu gün kredit kartım bağlanır. Ödəniş martın 6-na kimidir. Bu günü ömrüm boyu unutmayacağam. Çox pis vəziyyətə düşdüm. Və bunu özümə yaraşdıra bilmirəm. Ödəniş üçün zəng edənlərin telefonlarına cavab verə bilmirəm. Düşdüyüm hala bax, dilənçi oldum”, – deyə Arda Turan yazıb.
Gununsesi.info
