Avropa Şurası Parlament Assambleyasının (AŞPA) nümayəndə heyəti Azərbaycanda keçirilən təkrar seçkini izləyəcək. AŞPA-nın mətbuat xidmətindən Gununsesi.info-ya verilən məlumata görə, AŞPA nümayəndə heyəti iyunun 18-də Ağdaşa gedəcək. Nümayəndə heyəti 90 saylı Ağdaş seçki dairəsində keçiriləcək təkrar seçkiləri müşahidə edəcək. Nümayəndə heyətinə deputat Alan Desteks (Alain Destexhe) və AŞPA-nin Azərbaycan üzrə Monitorinq komitəsinin həmsədrləri avstriyalı deputat Ştefan Şennax (Stefan Schennach) və rumıniyalı deputat Sezar Florin Preda (Cezar Florin Preda) daxildir. Xatırladaq ki, Monitorinq komitəsinin həmsədrləri Ş.Şennax və S.F.Preda iyunun 15-dən 17-dək Bakıda səfərdə olacaq.
Gülnaz Qənbərli
