Astarada intihar hadisəsi olub.
Gununsesi.info-nun APA-ya istinadən verdiyi məlumata görə, hadisə Astara şəhəri, Nizami küçəsində qeydə alınıb.
Şəhər sakini, 1958-ci il təvəllüdlü Məmmədov İsrafil Abdulla oğlu yaşadığı evdə özünə kəsici alətlə çoxsaylı xəsarət yetirib. Lənkəran Rayon Mərkəzi Xəstəxanasına çatdırılan İ.Məmmədovun həyatını xilas etmək mümkün olmayıb.
Hadisənin səbəbləri araşdırılır. Faktla bağlı hüquq-mühafizə orqanları tərəfindən araşdırma aparılır.
Eyni zamanda, Gəncə sakini mübahisə zəminində yaxın qohumuna xəsarət yetirib.
Məlumata görə, şəhər sakini, 1982-ci il təvəllüdlü Allahverdiyeva Aytən sol təpə nahiyəsinin kəsilmiş yarası xəsarəti ilə xəstəxanaya yerləşdirilib.
Ona tibbi yardım göstərilib. Vəziyyətinin normal olduğu bildirilir. Qadının sözlərinə görə, evdə mübahisə zamanı qardaşı oğlu ona kəsici əşya ilə xəsarət yetirib.
Faktla bağlı hüquq mühafizə orqanları tərəfindən araşdırma aparılır.
Gununsesi.info
Gununsesi.info
