ATƏT PA-nın növbəti sessiyalarında Dağlıq Qarabağla bağlı müzakirələr olacaq - KRİSTİNA MUTTONEN

  • By admin
  • 08 Sentyabr 2017 12:18

christine_at_osce

ATƏT Parlament Assambleyasının növbəti sessiyalarında Dağlıq Qarabağla bağlı müzakirələr olacaq.

Gununsesi.info-nun apa-ya istinadən verdiyi məlumata görə, bunu Azərbaycanda səfərdə olan ATƏT PA sədri Kristina Muttonen deyib.

O qeyd edib ki, PA sessiyalarında üzv ölkələrin nümayəndələri öz ölkələrinin problemlərini qaldırırlar, o cümlədən Azərbaycan nümayəndə heyətinin qaldırdığı bu məsələ də müzakirə olunacaq: “Parlament Assambleyası bir platformadır. Münaqişələr, problemlər, xüsusilə ATƏT məkanında olan münaqişələr bu platformada müzakirə olunur. ATƏT-in Cənubi Qafqaz üzrə xüsusi nümayəndəsi var və ATƏT bu nümayəndə vasitəsilə problemi diqqətdə saxlayır. Bu məsələ danışıqlardan, debatlardan keçir. Problemin həlli ölkələr arasında kommuikasiyanın, münasibətlərin normallaşmasına gətirib çıxarır ki, bu da müsbət haldır”.

Kristina Muttonen cəbhə xəttinə səfər edib-etməyəcəyi barədə suala cavabında qeyd edib, bu dəfə cəbhə bölgəsinə səfəri gözlənilməsə də, növbəti səfərlərdə bu ola bilər.

ATƏT PA sədri Fəxri xiyabanda Heydər Əliyevin məzarını və Şəhidlər xiyabanını ziyarət edib.

Gununsesi.info