Gürcüstanda doğulduqdan sonra iki ayrı ailəyə satılan əkiz gənc qızlar TikTok sayəsində 19 ildən sonra qovuşublar.
Gununsesi.info xəbər verir ki, əkizlər Amu Xvitia və Ano Sartania yaxınlıqda yaşasalar da, bir-birlərinin varlığından xəbərsiz olublar. Onların doğulduqdan sonra qaçırılaraq qanunsuz olaraq ayrı-ayrı ailələrə satıldığı iddia edilir. TikTok videosu və həmçinin istedad şousu sayəsində onlar 19 ildən sonra bir-birlərini tapıblar.
12 yaşında olarkən “Georgia’s Got Talent” adlı realiti-şousunda gördüyü qızın ona çox bənzədiyini görüb. Bir neçə il sonra Sartania TikTok-da özünü göstərən Xvitiyanın videosunu görüb. Nə qədər oxşar olduqları ilə maraqlanan Sartania onu sosial mediada axtarmağa başlayıb və nəhayət, Facebook vasitəsilə onunla əlaqə saxlayıb.
Xvitiya və Sartaniya bir-birlərini tanımağa başlayanda anlayıblar ki, eyni xəstəxanada doğulublar. “Bu, güzgüyə baxmaq kimi idi, eyni sifət, eyni səs. Mən onunam, o mənəm”, – Xvitiya deyib.
Əkizlərin anasının doğuşdan sonra komaya düşdüyü və atanın körpələri iki fərqli ailəyə satmaq qərarına gəldiyi məlum olub.
BBC-nin məlumatına görə, əkizlər həqiqəti öyrəndikdən sonra övladlığa götürən ailəsi ilə üz-üzə gəliblər. Hər iki övladlığa götürən ana deyiblər ki, onlara övladlığa götürdükləri qızlarının əkiz olmasından xəbərləri olmayıb.
Gununsesi.info
