ATƏT-in fəaliyyətdə olan sədri, Maltanın xarici və Avropa işləri və ticarət naziri Yan Borq və ATƏT-in baş katibi Helqa Mariya Şmid ATƏT rəsmisi Vadim Qoldanın bugünkü 14 il müddətinə azadlıqdan məhrum edilməsini birmənalı şəkildə pisləyirlər.
Bu barədə ATƏT-in Baş Ofisindən Gununsesi.info-nun elektron poçtuna daxil olan bəyanatda yazılıb.
Bəyanatda bildirilir ki, saxta hüquqi prosedurlar nəticəsində ATƏT rəsmiləri həbs edilib.
Qoldan , o cümlədən Maksim Petrov və Dmitri Şabanov da dərhal azad edilməlidir. Həbsdə olan həmkarlarımızın üzləşdiyi ədalətsiz və qeyri-insani rəftar qəbuledilməzdir və Təşkilatımız daxilində əməkdaşlıq ruhunu sarsıdır. Bu, iştirakçı dövlətlərin beynəlxalq hüquq və Helsinki Yekun Aktı üzrə öhdəliklərinin ciddi şəkildə pozulmasını ifadə edir”.
Nazir Borq, həmçinin vurğulayıb. “ATƏT-in Malta sədrliyi Baş katibin üç ATƏT rəsmisinin dərhal azad edilməsi ilə bağlı çağırışını dəstəkləməyə sadiqdir. Bu ədalətsizliyə son qoyulmalıdır”.
“ATƏT rəsmiləri kimi beynəlxalq mandat altında çalışan şəxslər heç vaxt öz öhdəliklərini yerinə yetirdiklərinə görə həbs, təzyiq və ya həbslə üzləşməməlidirlər”, – deyə baş katib Şmid bildirib.
“Baş katib kimi mən səylərimdən əl çəkməyəcəyəm və Vadim, Maksim və Dmitronu öz ailələrinə və yaxınlarına qaytarmaq üçün əlimdən gələni edəcəyəm. Biz ədalətin və onların insan haqlarının müdafiəsində möhkəm dayanacağıq”, – deyə o vurğulayıb.
ATƏT-in üç rəsmisi – Vadim Qolda, Maksim Petrov və Dmitri Şabanov 2022-ci ilin aprelində Donetsk və Luqanskda 57 iştirakçı dövlətin mandatı əsasında öz rəsmi vəzifələrini yerinə yetirərkən saxlanılıblar.
Xatırladaq ki, 2022-ci ilin sentyabrında Maksim Petrov və Dmitri Şabanov qondarma “hüquqi proses” nəticəsində 13 il müddətinə azadlıqdan məhrum ediliblər.
ATƏT-in fəaliyyətdə olan sədri Borq və ATƏT-in baş katibi Şmidin həm açıq, həm də özəl şəkildə davam edən səylərinə əlavə olaraq, ATƏT həbsdə olan ATƏT rəsmilərinin azad edilməsinə kömək etmək üçün müvafiq maraqlı tərəflərlə, o cümlədən digər beynəlxalq təşkilatlarla sıx əlaqə saxlayır. ATƏT də bu çətin dövrdə məhbusların ailələrinə dəstəyini davam etdirir.
Xatırladaq ki, adıçəkilən şəxslər Rusiyada həbs edilib və Ukraynaya casusluqda ittiham olunur.
Günay Mahirqızı
Gununsesi.info
