Avropa İttifaqı (Aİ) Ermənistanla viza rejiminin liberallaşdırılması variantlarını araşdırmağa hazırlaşır.
Gununsesi.info xəbər verir ki, bunu “Armenpress”ə müsahibəsində Aİ Xarici İşlər Xidmətinin sədri Piter Stano deyib.
“Avropa İttifaqı oktyabr ayında Aİ liderlərinin görüşü zamanı çox aydın şəkildə bildirdi ki, biz Ermənistanı daha da dəstəkləmək və Ermənistanla əməkdaşlığımızı dərinləşdirmək üçün yollar axtarmaq istəyirik. Sonra xarici işlər nazirlərinin müzakirələri oldu və nazirlər bildirdilər ki, bu yollardan biri də Ermənistana dəstək olmaqdır”. Aİ “viza rejiminin liberallaşdırılmasını nəzərdən keçirir. Beləliklə, biz Ermənistanla viza rejiminin liberallaşdırılması variantlarını araşdıracağıq”, – spiker qeyd edib.
Ermənistan xarici işlər nazirinin müavini Paruyr Hovhannisyan bildirib ki, İrəvan yaxın aylarda Avropa İttifaqı ilə viza rejiminin liberallaşdırılması üzrə danışıqlara başlamağı mümkün hesab edir.
Hələ 2016-cı ildə Avropa İttifaqının Ermənistandakı nümayəndəliyinin rəhbəri bəyan etmişdi ki, Ermənistan və Avropa İttifaqı tezliklə viza rejiminin liberallaşdırılmasına nail olacaqlar. Bu, 2017-ci ildə Ermənistanın Avropa İttifaqı ilə imzaladığı Hərtərəfli və Genişləndirilmiş Tərəfdaşlıq Sazişində də nəzərdə tutulub.
Lakin uzun illərdir ki, viza rejiminin liberallaşdırılmasında ciddi irəliləyiş yoxdur.
Son vaxtlar Rusiya ilə münasibətlərin pisləşməsi fonunda Ermənistanın baş naziri Nikolay Paşinyan bu günlərdə bildirib ki, Ermənistan Avropa İttifaqının bunu mümkün hesab etdiyi qədər Avropa İttifaqına daha yaxın olmağa hazırdır.
Moskvada bu sözlər İrəvanın xarici siyasətində aşkar dəyişiklik kimi qəbul edilib.
Gununsesi.info
