Avropa İttifaqı (Aİ) Ermənistandakı mülki müşahidə missiyasının sayını 138 nəfərdən 209 nəfərə qədər artıracaq.
Gununsesi.info xəbər verir ki, bu barədə Ermənistanın “Armenpress” agentliyi Aİ-nin xarici işlər və təhlükəsizlik siyasəti üzrə ali nümayəndəsi Cozef Borrelə istinadən məlumat yayıb.
Avropa diplomatiyasının rəhbəri hesab edir ki, regionda sülhə nail olmaq üçün tarixi şans var.
O qeyd edib ki, Aİ həm Ermənistan, həm də Azərbaycanla işləyərək bu səyləri dəstəkləməyə davam etməkdə qərarlıdır.
Bundan əvvəl, 27 dekabr 2022-ci ildə Ermənistan Borrelə məktub göndərərək, Aİ-ni ölkəsində mülki missiya təyin etməyə dəvət edib. Aİ Şurası 23 yanvar 2023-cü ildə mülki nümayəndəliyin yaradılması barədə qərar qəbul edib. Fevralın 20-də Avropa İttifaqı Ermənistanda iki il müddətinə mülki missiyanın fəaliyyətə başladığını elan edib.
Gununsesi.info
