Avropa İttifaqına (Aİ) üzv ölkələrin səfirləri Rusiyaya qarşı Rusiya neftinə əlavə məhdudiyyətləri ehtiva edən yeni, on ikinci sanksiyalar paketi üzrə müzakirələrin birinci mərhələsini keçiriblər.
Gununsesi.info xəbər verir ki, bu barədə “Reuters” məlumat yayıb.
Məlumata görə, Avropa Komissiyasının təklifi Moskvanın “kölgə donanması” vasitəsilə Rusiya neftinə qarşı Qərbin sanksiyalarından yan keçmək cəhdlərinin qarşısını almaq üçün xam neft və neft məhsulları daşıyan tankerlərin Rusiyaya satışını qadağan edəcək.
Aİ tankerlərinin üçüncü ölkələrə satışına qadağa daxil edilməlidir ki, gəmilər Rusiyaya yenidən satıla bilməz və ya Rusiya nefti və ya neft məhsullarının daşınması üçün istifadə oluna bilməz və bu qadağalar barel üçün 60 dollara uyğun gəlmir.
“Qiymət həddi mexanizmi, Rusiya neftinin dəniz tədarük zəncirindəki operatorlara onun limit qiymətindən artıq olmayan qiymətə alındığını nümayiş etdirməyə imkan verən sertifikatlaşdırma prosesinə əsaslanır”, – “Reuters” sənədə istinadən xəbər verib.
“Azadlıq” radiosunun Brüssel müxbiri Rikard Yozviakın sözlərinə görə, cümə günü yeni sanksiyalar müzakirə edilərkən Macarıstan “bütün paketlə bağlı ehtiyatlı olduğunu bildirib”.
“Financial Times” daha əvvəl yazmışdı ki, Aİ Danimarkaya Rusiya neftini daşıyan tankerləri yoxlamaq və potensial olaraq bloklamaq barədə göstəriş verməyi planlaşdırır.
Xatırladaq ki, 2022-ci ilin dekabrında G7 ölkələri, Avropa İttifaqı və Avstraliya Rusiya neftinin dəniz yolu ilə ixracına bir barel üçün 60 dollardan məhdudiyyətlər qoyub. Bu qərar Qərb şirkətlərinə bu limitdən artıq satılan neftin daşınmasını, sığortalanmasını və ödənişini qadağan edir.
Amma dünya bazarında neftin qiymətinin indiki yüksəlməsi ona gətirib çıxarıb ki, Rusiyadan gələn neftin əhəmiyyətli hissəsi 60 dollardan yuxarı qiymətlərlə satılır ki, bu da Qərbin sanksiyalarının təsirini faktiki olaraq neytrallaşdırır.
Gununsesi.info
