Avropa Parlamenti Aİ-nin Latın Amerikası ilə əməkdaşlığını genişləndirmək üçün Panamada ofis açmaq qərarına gəlib.
Gununsesi.info xəbər verir ki, bu barədə “Politico” qəzeti məlumat yayıb.
Məlumata görə, yüksək səviyyəli parlamentarilərin daxil olduğu əsas inzibati orqan olan Avropa Parlamentinin Büro üzvləri yanvarın 15-də axşam keçirilən iclasda Panamada ofis açmaq qərarına gəliblər.
Ofis diplomatiyanın aparılmasına cavabdeh olan Aİ orqanı olan Avropa Xarici Fəaliyyət Xidmətinin köməyi ilə açılacaq.
Latın Amerikası və Karib hövzəsinin 23 ölkəsinin parlamentlərini əhatə edən regional məşvərət təşkilatı olan Latın Amerikası Parlamentinin yerləşdiyi ərazi kimi Panama seçilib.
Avropa Xarici Fəaliyyət Xidmətinin təsdiq etdiyi sənədə əsasən, Avropa Parlamenti ofisinin funksiyaları arasında “regiona səfər edən parlament siyasi qurumlarına dəstək vermək” olacaq.
Artıq Panamada Aİ-nin daimi nümayəndəliyi fəaliyyət göstərir.
Avropa Parlamenti artıq Cakarta, Əddis-Əbəbə və Nyu-Yorkda Aİ-dən kənarda ofislərini açıb. Noyabrda avropalı deputatlar Ukrayna parlamentində nümayəndəlik açmaq qərarına gəliblər və parlamentin bir əməkdaşı Kiyevə ezam olunacaq.
Gununsesi.info
