Almaniya, Fransa, İspaniya, Hollandiya, Belçika, Polşa, İtaliya və Macarıstan başda olmaqla Avropanın bir çox şəhərində fermerlər tərəfindən həyata keçirilən traktor karvanına bənzər aksiya Türkiyənin Konya vilayətində keçirilib.
Gununsesi.info xəbər verir ki, Konyada fermerlər traktor və sərnişin maşınları ilə karvanla Seydibəy kartof fabrikinin qarşısına keçərək istehsal kvotanın başqa bölgəyə keçirilməsinə etiraz ediblər.
Fabrik qarşısında fermerlər mətbuata açıqlama veriblər. “Kartof fabrikinin qəbul etdiyi yanlış qərar fabrik və anbar sahəsindən daha uzaqda daha çox nəqliyyat və əkin xərcləri tələb etməkdir və fabrikin yaxınlığında istehsal sahələri olduğu halda kvotaların daha uzaq rayonlara köçürülməsi məntiqli deyil”, – deyə onlar bildiriblər.
Xatırladaq ki, Almaniya, Fransa, İspaniya, Hollandiya, Belçika, Polşa, İtaliya və Macarıstan başda olmaqla bir çox Avropa İttifaqı (Aİ) ölkələrində fermerlər son zamanlar həyata keçirilən kənd təsərrüfatı siyasətlərinə reaksiya verirlər.
Fermerlərin tənqid etdiyi məsələlər arasında Aİ-nin kənd təsərrüfatı siyasəti, təbiətin bərpası hədəfləri, dəstək ödənişlərində azalmalar, Rusiya-Ukrayna müharibəsi nəticəsində yaranan yüksək enerji, yanacaq və gübrə xərcləri, Ukraynadan ucuz taxıl məhsulları və suya qənaət tədbirləri var.
Keçən ildən bəri bütün Avropada fermerlər yanacağın qiymətləri, vergilərin artırılması və dəstək ödənişlərinin yetərli olmadığını əsas gətirərək dövlət qurumları və müxtəlif təşkilatların qarşısına palçıq və ya gübrə tökərək və ya yolları bağlayaraq etiraz aksiyası keçirirlər.
Gununsesi.info
