Bu gün bəzi erməni siyasətçiləri Zəngəzurun və Qafanın bəzi kəndlərinin noyabrın 10-da imzalanmış bəyanata uyğun olaraq ödəniləcək 50 milyard dolların qarşılığında Azərbaycana qaytarılmasını təklif edir. Gələcəkdə azərbayacanlıların Zəngəzura və Qafana köçürülməsi məsələsi də gerçəkləşə bilərmi?
Gununsesi.org xəbər verir ki, deputat Nəsib Məhəməliyev sonxeber.az-a bildirib ki, ermənilərin Zəngəzuru təzminat olaraq Azərbaycana qaytarması şayiədir:
“Gündəlikdə belə bir məsələ yoxdur. Zəngəzur, Qafan, Göyçə tarixi Azərbaycan torpaqları olsa da, beynəlxalq birlik tərəfindən Ermənistan ərazisi hesab olunur. Deportasiya nəticəsində öz yurdlarından qovulmuş azərbaycanlı qaçqınların o bölgələrə köçürülməsi ancaq Ermənistan dövlətinin razılığı ilə ola bilər. O da indiki halda real görünmür”.
