Bu gün IV İslam Həmrəyliyi Oyunlarında futbol yarışlarına start verilib.
Gununsesi.info-nun məlumatına görə, rəsmi açılış mərasimi mayın 12-də olacaq Oyunlarda U-23 millimiz ilk görüşünü Kamerunlu həmyaşıdlarına qarşı keçirib.
Günə yığmamızın yer aldığı qrupun digər görüşü ilə start verilib. Səudiyyə Ərəbistanı komandası Mərakeşə məğlub olub – 0:1.
18:30-da isə millimiz Kamerun sınağına çıxıb.
Görüş qolsuz bərabərliklə başa çatıb. Yaşar Vahabzadənin yetirmələri bir neçə epizodda qola yaxın olsalar da, qeyri-dəqiqlik milli üzvlərinin sevinməsinə imkan verməyib. Rəqibin də fərqlənmək üçün şansları olub. Bu vəziyyətlərdə isə qapıçı Şahruddin Məhəmmədəliyev etibarlı oynayıb.
Bu gün həmçinin, B qrupunda da ilk turun qarşılaşmaları baş tutub. Əvvəlcə Əlcəzairlə Türkiyəyə qalib gəlib – 2:1. Daha sonra isə Fələstin – Oman xalları bölüblər – 2:2.
İslam Həmrəylik Oyunları
Futbol
A qrupu
Azərbaycan – Kamerun – 0:0
“Bayıl Arena”
Səudiyyə Ərəbistanı – Mərakeş – 0:1
Qol: Çuaib Əl-Maftul, 76
“AZAL Arena”
Turnir cədvəli
| N | Komanda | O | Q | H | M | T/F | X |
| 1 | Mərakeş | 1 | 1 | 0 | 0 | 1:0 | 3 |
| 2 | Kamerun | 1 | 0 | 1 | 0 | 0:0 | 1 |
| 3 | Azərbaycan | 1 | 0 | 1 | 0 | 0:0 | 1 |
| 4 | Səudiyyə Ərəbistanı | 1 | 0 | 0 | 1 | 0:1 | 0 |
B qrupu
Əlcəzair – Türkiyə – 2:1
Qollar: Fared Əl-Məlali, 78; Ahmed Qaqaa, 90+4 (pen.) – Onur Eriş, 38
“Bayıl Arena”
Fələstin – Oman – 2:2
Qollar: Odal Əl-Dabbaq, 5, 54 – Marvan Taib Mübarək, 48, 86
“AZAL Arena”
| N | Komanda | O | Q | H | M | T/F | X |
| 1 | Əlcəzair | 1 | 1 | 0 | 0 | 2:1 | 3 |
| 2 | Fələstin | 1 | 0 | 1 | 0 | 2:2 | 1 |
| 3 | Oman | 1 | 0 | 1 | 0 | 2:2 | 1 |
| 4 | Türkiyə | 1 | 0 | 0 | 1 | 1:2 | 0 |
Gununsesi.info
