Azərbaycanın aparıcı ali təhsil müəsisələri, dövlət orqanları ilə birgə “Qafqaz ölkələrinin etnik mənsubiyyətlərinin və mədəni irslərinin araşdırılması” adlı uzunmüddətli layihəyə start verilib.
Gununsesi.org-un məlumatına görə, layihənin məqsədi Azərbaycanda yaşayan etnosların tarixi, dili və mədəniyyətini araşdırmaqdır.
Layihə çərçivəsində gürcü, ləzgi, udin, erməni, avar və qrabar dillərini bilən mütəxəssislər/tərcüməçilər tələb olunur.
Bu dilləri bilən və aşağıdakı parametrlərə cavab verən şəxslərin CV məlumatlarının arashdirma2020@gmail.com elektron poçt ünvanına göndərilməsi xahiş olunur:
– Gürcü, ləzgi, udin, erməni, avar və qrabar dillərini sərbəst – “upper intermediate” və daha yuxarı səviyyədə bilmək;
– Qafqazşünaslıq üzrə başlanğıc səviyyədə məlumatlı;
– Komandada və müstəqil şəkildə işləməyi bacaran;
– Problemə yaradıcı yanaşma və kollektiv düşüncə tərzi.
Aylıq əmək haqqı dil biliyinin səviyyəsi və sahə üzrə iş stajından asılı olaraq 1200 AZN-dan başlayır.
