Azərbaycanda nişanlı müəlliməni zorla qaçırdılar- POLİSLƏR ONU AXTARIR

Azərbaycanda nişanlı müəlliməni zorla qaçırdılar

Bərdə rayonunda müəllimə zorla qaçırılıb.  

Gununsesi.info apa-ya istinadən xəbər verir ki,  rayonun Hacıalılı kənd məktəbinin riyaziyyat müəllimi olan qız Bərdə sakini Zeynalov Tural İlham oğlu tərəfindən qaçırılıb.

Məktəbdən bildirilib ki, qaçırılan qız Goranboy rayon sakinidir, Hacıalılı məktəbinə Təhsil Nazirliyinin göndərişi ilə işləməyə gəlib.

Hadisə ilə bağlı məktəb rəhbərliyi Bərdə rayon Polis Şöbəsinə və qaçırılan qızın ailəsinə məlumat verib.

Qızın başqasına nişanlı olduğu, zorla qaçırıldığı bildirilir.

Hazırda rayon polis şöbəsinin əməkdaşları tərəfindən əməliyyat-axtarış tədbirləri həyata keçirilir.

Gununsesi.info

COMMENTS