Türkiyənin Banklar Birliyi Azərbaycanda Türkiyə banklarının sayının artacağını gözləyir.
Gununsesi.info-nun məlumatına görə, bunu “Ziraat Bank”ın baş direktoru Hüseyn Aydın Bakıda jurnalistlərə deyib.
H.Aydın qeyd edib: “Biz bilirik ki, yaxın illərdə Azərbaycanı ciddi inkişaf gözləyir. Bu gün ölkədə iki Türkiyə bankı var – Ziraat Bank və Yapı Kredi. Lakin artıq deyə bilərəm ki, yaxın vaxtlarda Türkiyənin digər bankları da Azərbaycanda çalışmağa maraq göstərəcək”.
Xatırladaq ki, Azərbaycanda 31 bank, o cümlədən 16 xarici kapitallı bank fəaliyyət göstərir.
Gununsesi.info
