Azərbaycanda ÜDM 6 faizə yaxın ARTIB

  • By admin
  • 15 Fevral 2022 10:21

2022-ci ilin yanvar ayında ölkədə 9257,6 milyon manatlıq və ya əvvəlki ilin eyni dövrü ilə müqayisədə 5,8 faiz çox ümumi daxili məhsul istehsal olunub.

Dövlət Statistika Komitəsindən (DSK) Gununsesi.info-ya verilən məlumata görə, iqtisadiyyatın neft-qaz sektorunda əlavə dəyər 0,6 faiz, qeyri neft-qaz sektorunda isə 8,8 faiz artıb.

ÜDM istehsalının 54,4 faizi sənaye, 8,4 faizi ticarət; nəqliyyat vasitələrinin təmiri, 6,6 faizi nəqliyyat və anbar təsərrüfatı, 3,0 faizi tikinti, 2,4 faizi kənd təsərrüfatı, meşə təsərrüfatı və balıqçılıq, 1,4 faizi informasiya və rabitə, 1,0 faizi turistlərin yerləşdirilməsi və ictimai iaşə sahələrinin, 15,6 faizi digər sahələrin payına düşmüş, məhsula və idxala xalis vergilər ÜDM-in 7,2 faizini təşkil edib.

Əhalinin hər nəfərinə düşən ÜDM 922,2 manata bərabər olub.

Gununsesi.info