“Azərişıq” ASC-nin sədri Vüqar Əhmədov yanvarın 30-da saat 10:00-da İsmayıllı rayonunda İsmayıllı və Ağsu rayonlarından olan vətəndaşları qəbul edəcək.
Gununsesi.info xəbər verir ki, qəbul İsmayıllı rayonu, Nizami Gəncəvi küçəsində yerləşən “Azərişıq” ASC-nin İsmayıllı Elektrik Şəbəkəsinin inzibati binasında keçiriləcək.
Qəbul Mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşları qəbulu cədvəlinə əsasən baş tutacaq.
Vətəndaşların diqqətinə çatıdırırıq ki, qəbulda müraciətlər yalnız “Azərişıq” ASC-nin fəaliyyət istiqamətinə aid məsələlərlə bağlı olmalıdır.
Yeni növ koronavirus (COVID-19) infeksiyası ilə bağlı mövcud sanitar-epidemioloji vəziyyətə uyğun olaraq, qəbulda peyvənd və ya immun sertifikatı, eləcə də əks-göstəriş sertifikatı olan şəxslər iştirak edə bilərlər.
Gununsesi.info
